عليكم ورحمة الله وبركاته
عندي سؤال مهم
المعروف عند الشباب الشرقي
غيرته الشديده على أخته و أمه
يقولها أحتشمي
ألبسي هدوم واسعه و طويله
أتحجبي
ألتزمي فى ملابسك
ما تعمليش شات
ما تعرفيش شباب
اللي يعاكسك أضربيه باللي فى رجلك و علميه الأدب
و صوتي و لمي عليه الشارع
الرجوع البيت الساعه 8 المغرب
مافيش تليفونات بالليل
و لو عرف أنها ع علاقه بشاب يطلع عين أبوها
و تاخد بقى كده كلمتين محترمين
يحطها فى دماغه و يقفل عليها
و يزهقها و يخنقها
و نبص للواد الشرقي اللي لغايت دلوقتي محترم و خلوق
نلاقيه ماسك ديله و هاتك يا لعب
لو تعبان يوم يرجع الساعه 2 الفجر
و الطبيعي بتاعه يصلي الفجر و يروح
و صلاه الفجر
و يا ريتك تعرف أيه قبل صلاة الفجر
معاكسه في بنات الناس
يمووت في الجيب ال قصير و البادي الكت
و البنطلون ال أيه و المش عارفه أيه
و موبايله ما يبطلش رن بنات بنات بنات
أش سوسو وش وشوش و مايا و ساره و دي ودي
و يمسك البت من دول يهريها كلام زي السكر
و يحاول يميل عقلها بكل طريقه
و يا سلام لو دخل شات قيص مجنون ليلى
يعمل فيها الواد الأموووور الطيب المحترم
و يقول لكل بنت كلام كتييير
و يدلعها
و يديها وعوووود كتيييير
و يعلقها في حبال الهوا الدايبه
و اللي يشلك و يجننك أنه لما يجي يتزوج
يتزوج واحده تانيه خالص
أيه الهبل ده؟؟؟
الله مش ده اللي كان بيمنعه ع أخته برده
عمره ما فكر أن اللي بيكلمها و يعاكسها و يعلقها
ليها أخ برده بيغير عليها
و لا أيه
أنا عايز أعرف الشباب ع المنتدى كده و لا ليهم نظام تاني
ممكن تعلقوا
عايز أعرف
بتغير ع أختك و بتعمل زي ما أخينا بيعمل
و لا زي ما بتعمل هى كمان من حقها تعمل
و بعدين ليه سيبت شوشو و سوسو و ساره
و خت واحده رابعه خالص
ممكن أعرف ليه بتحلل لنفسك حاجات
و تحرمها ع غيرك
الرئيسية 
البوابة 
أحدث الصور 
التسجيل 
دخول 
